Раисчумхур Обама ба саволхои рузноманавис (блоггер) посух медихад

Раисчумхури Амрико ба рузноманавис (блоггер) Йоани аз Куба посух медихад.

Посухи расми фиристодани Раисчумхури Амрико Борак Обама ба пурсишхои рузноманависи (блоггер) Кубоги яке аз навидхои мухими олами интернетии ин хафта буд. Рости, ба хайрат афтодам, гарчанде дарк мекунам, ки рушду эътибори рузноманависи хам то дарачаи воситахои ахбори оммаи (ВАО) маъмули дар ояндаи наздик хохад расид.

Йоани Санчес, 34-сола, ки донандаи забонхо ва илми компутери аст, баъди дилшикаста шудан аз маошхои ночизи давлати ва сатхи пасти зиндагии мардуми кишвараш, чанд соле пеш сомонаи интернетие бо номи Generation Y бунёд мекунад то норозигии худро оид ба сиёсати кафобарандаи рохбари коммунистхо, Кастро, иброз намояд. Ба зуди сомонаи у бо навиштахои руиросту хакикатчуёнааш обруи пахноваре пайдо мекунад ва Йоани тахти фишор ва таъкиби хукуматдорон меафтад. У мачбур мешавад, ки чанд муддат Куборо тарк намояд, вале сониан ба зиддиятхои дустонаш ва хатархо ба чонаш нигох накарда, ба ватанаш бармегардад. Холо аз сомона ва рузномаи интернетии у худуди 1 миллион нафар хар мох аз тамоми дунё дидан мекунанд ва ба наздики мачаллаи бонуфузи Тайм рузномаи Йоаниро ба руйхати 25 бехтарин рузномахои интернети ворид намудааст.

Йоани дар рузномаи худ 7 савол ба рохбари кишвари худаш ва 7 саволи дигар ба раисчумхури Амрико пешниход кардааст, ки ба он аввалин то хол чизе ба чуз аз зуриву дагали нишон надода, дуввуми аллакай ба саволхои худ посух додааст. Саволу чавобхо дар халли мушкилихои ИМА-Кубо бисёр нишонрасу ахмиятноканд, вале фурсат нест, ки хамаи онхоро хозир инчо тарчума намоям. Танхо як саволу як чавобро интихоб кардам, ки дар зер аст:

Саволи 3:  Оё Хукумати Амрико истифодаи неруи артишро барои халли казия бо Кубо аз назар сокит кардааст?

Посух:  ИМА хостори истифодаи неруи артиши худ дар Кубо нест. Амрико пуштибони хурмати бештар гузоштан ба хукукхои инсон ва озодихои сиёсиву иктисоди дар Кубо  аст ва умедворем, ки хукумати ин кишвар хохишхои мардуми худро, ки аз манфиатхои демокроси ва озоди дар муайяннамоии ояндаи Кубо бахраманд будан мехоханд, ба назар мегирад. Танхо мардуми Кубо метавонанд дигаргунихои мусбиро ба кишварашон биёранд ва умеди мо ин аст, ки дар ояндаи наздик онхо аз ин имконият ба пурраги истифода карда тавонанд.

Тадкикотхо нишон медиханд, ки вазъияти Кубои коммунисти аз Точикистон зиёд фарк намекунад ва харду аз лихози сиёси худкомаву шахсиятпараст (авторитари-диктатори) буда, иктисодашон фалачу фасодзадаи ру ба таназзул ва мардумаш мухочири кори ё дар торикистони Ватани худ махдуд.

Иншооллох, хушбин хастем аз он, ки шумораи рузноманависони мустакили Точик дар шабакаи чахонии интернет руз аз руз афзуда, мухтавояшон низ бехтар гашта истодааст. Дур нест он рузе, ки ба саволу пешниходхои мо хам раисчумхури худи ё бегонае посуххои зарури бидихад, то чидду чахдхои мо ба некуахволии  миллату Точикистони азизамон бирасонад.

Мо бо дабираи порси ё сириллик бошем?

Баргашт ба дабираи Порси рохи начоти забони Точики хохад буд.

Баъзе навиштахо дар торнигорамон хастанд, ки танхо бо забони инглиси нашр гаштаанд ва бо назардошти шавки зиёди хонандагон ба мавзуи дабираи порси (алифбои форси) имруз яке аз чунин навиштахои алокамандро ба Точики баргардонидам ва матнашро дар зер гузоштам.

Дустони гироми! Хеч кас бояд шакке надошта бошад, ки дер ё зуд мо Точикон ба дабираи (алифбо) ниёгони худамон бояд баргардем то хамчун як миллат боки бимонем ва рушд намоем.

Баргаштан ба дабираи ниёгон ин натанхо омили пайвастан бо гузаштаи бузурги миллатамон хохад буд, балки ахмияти бештаре барои боздоштани вайроншавии фархангии чомеаи имруза ва бунёди ояндаи бехтар барои насли чавони мо хохад дошт. Танхо дар хамгирои ва якчоя бо мардуми  хамзабони худ ва дорандаи фархангу таърихи умуми, мо метавонем миллати худро пуркувват гардонем ва инкишоф бидихем.

Аслан, махз бо хамин дабира чахониён шеъру адабиёт ва илму таърихи бойи моро бо бузургмардони миллат Рудакиву Фирдавси, Синову Хайём, Румиву Форобив ва Хофизу Саъди мешиносанд. Баъди мачбуран таъгир додани алифбоямон аввал ба лотини ва баъд ба сириллик, забони моро шуравихо “аз як бахр ба дарёчае табдил доданд”, ки он бе сарчашмаи худ хушк ва нобуд хохад гашт. Исботи инро имрузхо мо бо ахволи забони Точики тавассути алифбои сириллик дида истодаем. Танхо мукоисаи накши дабираи порси бо сириллик бо акли солим ба мо рушан мекунад, ки 130 миллион нафар гуянда ва зиёда аз 1300 сол таърих бо  дабираи порси бартари дорад ё 7 миллиён ахоли бо таърихи 70 сол бо дабираи сириллик. Ин далелест, ки чойи бахс надорад.

Вале, аз тарафи дигар, хангоме ки ин хукумати фасодзадаву ноухдабаро хатто шароити оддии зиндагонии шарафмандона ба мардуми худ ташкил карда наметавонад, иваз намудани алифбо бо дасти онхо хатари чиддие ба сари миллати мо хохад овард. Аник аст, ки ба ичрои дурусти ин кори мухим магзи майнаву мехвари механдустии мансабдорони хозираи кишвар хеле нокофи ва назарногир аст.

Бинобарин, ин вазифаи насли мо хохад буд, ки ин баргашти зарури ба аслу насли худ ва дигар таъгиротхои мухимро дар давоми дахсолаи навбати барои пешрафти чомеаи Точик амали намоем. Фахмост, ки ивази дабира кори якшаба нест ва ин ташаббус бо дигар лоихахои ислохоти аз чониби дастаи коршиносони мудирияти замонави (топ-менечерхо) дар хукумати оянда ба таври муназзам, масъулиятнок ва самаранок пиёда карда хохад шуд, ки бо хости худованд, ба чахиши назаррасе дар эхё ва рушди миллати мо хохад расонид.

Мардумро хару хор кардан бас аст

Дар назди Кохи Сафед шахрвандон озодона бар зидди ноадолатихои чомеаи Амрико баромад мекунанд. Точикистон хам ба ин дарача рузе хохад расид?

Мехохам гох-гохе дар мавзухои шавковар, мухим ва мусбии чомеа нависам, вале пас аз сайри хабару гузоришу тахлилхо дар интернети Точики (Точнет) хамеша аз руирост зухур кардан ва зиёд шудани ноадолативу номардиву нобаробари дар Ватан ба хашм меоям ва аз бори гароне, ки ба сари миллати мо омадааст, дилтанг мегардам.

Албатта, ба хамаи ин нохушихову норохатихои рузгор чашм пушида, факат бо кору маишати худ банд шудан мумкин аст. Вале, афсус ин барои шахсони миллатдуст ва худшиноси асил хеле мушкил ба назар мерасад. Бубинед худи хамин як хафтаи гузашта бо чихо ин чомеа рубару шуда аст.

Якум, неругохи Сангтуда-1, ки аз тарафи русия идора мешавад, бо омадани зимистон тахдид кардааст, ки баркро хомуш мекунад. Шармандагии руи олам. Бо шарофати Каримови золими тангчашм аз барки Туркманистон бебахра мемонем ва дар ин фасли сол худ аз норасоии барк хамаи чомеа азият кашиданаш бас набуд, ки холо неругохи дар хоки Точикистони худамон буда хам “ба болои сухта намакоб” карданист. Эмомалии Рахмон соле пеш дар васфи ин хамкори бо хочаёни русаш чи кадар оби дахонаш мерехт. Магар ширкати “Барки Точик” ва хукумат ин масъаларо бо яке аз неругоххои алокаманди фаъолияташ байни худ хал карда наметавонист? Точикистонро акнун ба  гуфти андешасарои Точвар “торикистон” номгузори кардан хам мумкин. Дар мавзуи Рогун тамоман як масхарабозии дигар. Корхонахову созмонхо ва сохибкоронро мачбур мекунанд, ки ба сохтмони ин неругох пул гузаронанд, дар холе ки то хол як катрае барои шаффоф ва боваринок намудани тарзи корбарии худ захмате накашидаанд. Агар бовари ва хурмати якдигар бошад, хатто камбагали Точик худаш нисфи бурдаи нонашро хам барои ин кор чудо мекард. Хайхот.

Дуюм, Хизби Сосиал Демократи Точикистон бо рохбараш Рахматилло Зоиров баъзе шарту шароитхои шаффофу демокроситар гузаронидани интихоботи вакилони Мачлис пешниход мекунад, вале аз хамаи нуктахои ин пешниход танхо “дертар баргузор кардани интихобот” диккати аксари расонахои хабари ва тарафдорони хокимро чалб мекардааст, ба чуз аз торнигори хафтаномаи Пайкон. Яке аз шартхои хуби ин пешниходи Зоиров вобаста ба  даст кашидани “раисбобо” аз макоми рахбарии Хизби (гайри) Халки (гайри) Демокросии  ва истифода накардани ин хизб аз “обруи кариб намондаи” у касеро ба вокуниш нишон додан водор накардааст. Кадом интихобот бо ин низоми оилави-кишлокии Рахмон демокроси ва озод мегузарад? Кудаки, хандаовар. Аввал, ин низомро мачбуран иваз кардан зарур хохад шуд.

Сеюм, маълум аст, ки ин режим авфи умумро ба як асбоби шухратталоши (популисти) табдил додаст, вале дар асл онро барои рахо кардани нашачаллобон ва чинояткорони “худи”-аш истифода мекунад. Хуб, ин каллакадухо барои мардуми одди дигар чи пешкаш карда метавонад, ё ба гуломи ба русияи фашист ё даст ба тичорати нашъа задан, ки онро низ худи атрофони раис Рахмон идора мекунанд. Кадом чавон дар ин чомеа бо аклу дониш ва истеъдоди худ сохиби кори арзанда гашта ва даромади кофие барои харидани хонаву сохтани хонаводаи обод пайдо карда метавонад? 20 сол мешавад, ки на ин гуна шароит хаст ва на умеде ба ояндаи бехтар. Чомеа куллан бемор аст ва ин бемори аз сари бемагзи онхое, ки чомеаро рохбари мекунанд, шуруъ шудааст. Мегуянд, “об аз боло лой меояд” дуруст аст ва бинобарин аввал болоро тоза кардан шояд.

Чорум, эълон мекунад, ки минтакаи озоди иктисоди месозем, вале на тархи аник хасту на маблаг барои бунёд ва пешбарии он. Боз меравад ва дод мезанад ба дунё барои гадоги. Гадоги дигар касби хама шуда. Аз гадои калони Дангара ин дард гузашта ба дигар минтакахои бехтар хам. Хайфи шумо барин Точикон.  Ба хотири пул, мансаб ва манфиати оилаатон дар пеши чахониён фохишаги мекунанд. Байни Точикистон ва колхози Рохи Ленини Кулоб фарк бояд донист. Нангу номуси миллат ва насли ояндаро фикр кунед, “чанобон”!

Торнигори Neweurasia.net ба хамкори даъват менамояд

Рузноманависии интернети (блог) - навтарин воситаи ахбори омма (ВАО)

Чанд вакте аст, ки бо торнигори Neweurasia.net хамкори мекунем ва кам-кам бо дарёфти фурсат ончо навиштахои худро чоп менамоем. Neweurasia.net ин лоихаи созмони Чехии Transition Online буда, барои рушди хабаррасонии шахрванди, мустакил ва замонави, аз чумла дастгирии рузноманависони интернети (блогнависон) дар кишвархои собик коммунисти ва шурави хидмат менамояд.

Максад аз иштирок дар ин лоиха намояндаги намудан аз Точикистон, таблиги андешахои худ ва инкишоф додани хунари навиштанамон аст, ки бар замми ин андаке фоидаи моли хам мерасонад. Аз сабаби он, ки холо бахши Точикии ин сомона каме сустар шудааст, бо рохбари лоиха маслихат кардем, ки чавонон ва рушанфикрони Точикро барои хамкории бештар даъват намоем.

Бинобарин, агар хохишманди навиштан дар мавзуву масъалахои гуногун ва мухими алокаманди кишварамон бошед, лутфан андешаву хулосахои худро барои чоп фиристед ва лоиха бар ивази хар маколаи дорои 600 калима бо 6 дона акси асли (орижинал) $25 доллар маблаг ба шумо пардохт хохад кард.

Барои маълумоти бештар, метавонед ба мо бинависед: bkosimi@gmail.com ё schwartz@neweurasia.net.

Умедвори хамкори бо шумо ба хотири рушди хабаррасони, огахии чомеа ва раванди демокросисози дар Ватан.

Тансихату пируз бошед!

Охангу навори бехтарин дар мавзуи догтарини чомеаи имрузаи Точик

“Ай мухочирбачаи саргардони Точик, Навруз мерасад, бар базми Ватан ой бийо чойи ту холист.”

Оре, чойи хамаи шумо холист. Хеле оли, дардро набинед, бародари гироми Бахром Гафури!

Марг бар рохбаре, ки миллати моро ба чунин ахвол овардааст!

Ташкили инкилоби сулхомез (ранга)

Инкилоби сулхомез (ранга) дар Точикистон мисли Укроин хохад шуд ё дигар?

Матнхои чолиб аз китоби Саул Алинский «Коидахо барои радикалхо» (Saul Alinsky “Rules for Radicals”)

Ин як руйхати хусусиятхои идеалии ташкилотчи аст. Он чизхое хастанд, ки мо барои муайян намудани иктидори ташкилотчигии шахс, барои арзёбии имкониятхои ояндаи ташкилотчиёни нав ва хамчун нуктахои асоси дар тартиб додани барномаи омузиши барои ташкилотчиён, ба назар мегирем.

Кунчкоби – Дилнабастани – Хаёлот – Хиссиёти шух – Дидгохи дунёи бехтар – Шахсияти бонизом – Канорчуии сиёси – Худбини – Андешаи озод – Нисбияти сиёси

Кунчкоби. Он чист, ки ташкилотчиро ба ташкил кардани мардум водор месозад? Уро неруи идоранашавандаи кунчкоби пеш мебарад, ки хадду худуд намедонад. Гапхои маъмулии «кунчкоби гурбаро ба магр расонд» ба у мазмун надоранд, чун зиндаги барои у чустучу бахри дарёфти колаб, монандихо дар фаркиятхои бараъло, фаркиятхо дар монандихои назаррас, низом дар бенизомии (хаос) мо, мазмуни зиндаги дар атроф мо ва муносибати он ба зиндагии худи у аст ва ин чустучу беохир мебошад. Ташкилотчи барандаи сирояткунандаи кунчкоби мегардад ва он пурсиши «чаро» саршавии шуриши мардуми мегардад. Шубха кардани акидаву равандхои кабулшудаи руз ин давраи кушиш ба ислохот аст ва он барои инкилоб ахмияти бузург дорад.

Дилнабастани. Кунчкоби ва дилнабастани ба хамдигар наздиканд ва аслан, кунчкоби бе дилнабастани вучуд дошта наметавонад. Кунчкоби мепурсад: «Ин хакикат аст? Танхо ба хотири он, ки хамеша чунин будааст оё он рохи бехтарин ё дурустарини зиндаги намудан аст, бехтарин ё дурустарин дин, арзиши сиёси, иктисоди ё адаби аст? Вай догмаро намепазирад, бар зидди хама гуна саркубихои чустучуи озод ба дунболи гояхои дигар новобаста аз сарчашмаи онхо шуриш мекунад. Мисли тамоми зиндаги ин руйдоди худмухолиф (парадокс) аст чун дилнабастании у аз дилбастагиаш ба сирри зиндаги ва чустучуи бепоён бахри дарёфти мазмуни он реша мегирад.

Давом дорад…

Эълони 30 чойи кори дар Амрико аз чониби ширкати мо

Ширкати «ХАМДАМ» дар хамкори бо ширкати Амрикоии «GEOVISIONS»

30 чойи кори дар Амрико пешниход менамояд!

Ин барномаи Work and Travel барои донишчуён аст, ки дар давоми таътили тобистонаи соли 2010 (аз мохи май то сентябр) дар Амрико кор кардан имконият медихад. Шартхои иштирок:

То 12 декабри 2009

1. Пешниход намудани нусхаи шиносномаи хоричи, маълумотномаи донишчуи, шархи хол (резюме) ва 2 дона сурат
2. Супоридани ариза барои кор ба ширкати Амрикои
3. Пешпардохт намудани 150 доллар

То 12 феврали 2010

1. Кабули даъватномаи кор
2. Пардохти бакияи маблаг 650 доллар
3. Супоридани хуччатхо ба виза 131 доллар
4. Омодаги ба сафар ва харидани чиптаи хавопаймо

Хамаи иштирокчиён бо чойи зист дар вилоятхои шаркии Амрико (Нйу Йорк, Вермонт, Нйу Хэмпшир, ва Массачусетс)  ва маоши хафтаина таъмин карда мешаванд. Иштирокчиён ба ичрои корхои гуногун чалб шуда метавонанд, аз чумла тозаги дар мехмонхонахо ва тарабхонахо, пухтупаз, рангубор, интиколи борхо, пешхидмат, ронанда, фурушанда ва гайра.

Барои маълумоти бештар лутфан ба мо мурочиат намоед:

Телефонхо: 918 601 2035, 919 886633, 918 749205

Сурогаи электрони: hamdam.corp@gmail.com ва bkosimi@gmail.com